بتعجب
********
بتعجـــــب م الـــكون بتعـــجب فيه الـــــــــخـــــــاين والامـــــيـــــــن
بقى عالم ع الكــــــل بيــكدب بقى عــــــــــالم غـــــــــــــش وتزيين
لازم ييجى يوم والخير يكسب ويـــــهــد الـــــــشـــــــر اللعيــــــــــن
بيقولوا مـــجــنون ع الطـــــيب عايزينوا شــــــريــــر و مُـــــهيــــن
عايزيـن يبــــقى الشر قـُـريــب والخير يبعد قوى ع العـــــــــــــــــين
دا كلام سمعته لراجل شايب كـــلام مليـــــــان خــــــــــبرة سنين
دا كلام جدى صاحب العجايب اللــى سابقنــــــــــى بالـــستــــين
ستين سنة بعيون حدايــــــب بيهم شـــــــــــــــايف الكــــدابيـــن
ولـــما فـُـقــــت وكنــت غايـــب عرفت إزاى أغـــــــــــــش واهين
صاحبت واحد فى قلبه ســايــب مكان للحــــــــــــب والتخميـــــــن
مكنش غـــدار بـــتاع مصــايب لكنه كان عاقـــــــــــــــــــــل رزين
بيحـــــب الخـــير للحــــبايـــب ولا عُمرة كــــــان م الظالميـــــن
عرفـــت مـــنه إزاى اهــيــــب نفسى قــُـدام المـــغــــــــروريـــن
و ارفع ف راسى وأقول عجيـــب على ناس عادية ناس سالمين
وانا ف طبيعتى هادى وطيـب سالك طريقـــى دايمــاً يمــيــن
بس العالـــم حولـــيا طــالـــب أكون مــــخـــادع وبــنـابــيـــــــن
عشان أسهل أمورى واكسب وأنصب كمان ع النـــصابــــــيــن
أحمد جادو
ليست هناك تعليقات:
إرسال تعليق